Fizmat Chess Open 2025

18 мамыр күні Орал қаласындағы “Республикалық физика-математика мектебі” КЕаҚ филиалында “Fizmat Chess Open 2025” – ашық қалалық шахмат турнирі ұйымдастырылды.
Турнирге 1–6 сынып оқушылары қатарынан 100 жас шахматшы қатысты. Олар қаланың түрлі мектептерінен келген, жоғары дайындық деңгейін, жеңіске деген талпынысын көрсеткен үздік ойыншылар.
Жарыс достық, әрі тартысты атмосферада өтті. Әр партия қызықты болып, ал жүлделі орындар үшін күрес өте әсерлі болды.
Турнирдің жүлде қоры 700 000 теңгені құрады. Жеңімпаздар мен жүлдегерлер дипломдармен, медальдармен, кубоктармен және ақшалай сыйлықтармен марапатталды.
Шараның мақсаты – мектеп оқушылары арасында шахматты насихаттау, логикалық ойлауды дамыту және оқушылардың интеллектуалдық өсуіне жағдай жасау.