«РФММ» КеАҚ Орал қаласындағы филиалы

«РФММ» КеАҚ Орал қаласындағы филиалы Батыс Қазақстан облыстық әкімдігінің қолдауымен 2022 жылы ашылды.

Басты мақсат – жергілікті өңірдің зияткерлік әлеуетін көтеру, сапалы білім алу қолжетімділігін арттыру.

Бүгінгі таңда «РФММ» КеАҚ-нің Орал қаласындағы филиалында 1-5 сынып аралығындағы 14 сынып-жиынтығы бар.

Оқушы саны 281 білім алушыны құрайды.

Оқыту қазақ және орыс тілдерінде жүргізіледі.

Оқыту бағдарламасы мемлекеттік стандартқа және мектептің қосымша бағдарламасына негізделген.

Атап айтар болсақ: «Сингапур математикасы», «Геометрия негіздері», «Олимпиадалық математика», «Логика», «Шахмат», «Саналы оқу», «Робототехника», «Тоғызқұмалақ» қосымша сабақтары қарастырылған.

Аталған пәндердің мазмұны білім алушыларға математиканы терең оқып-білуге, логикалық және стандарттан тыс ойлай білуге, профильдік пәнді тереңдете оқып-білуге мүмкіндік береді.

РФММ-ның басты ерекшелігі –  мектеп өңірдегі дарынды балаларды анықтап, оларды дамытуға ерекше ден қояды.

Мектеп міндеттері:

• мемлекеттің, қоғамның, оқушылар мен олардың ата-аналарының сұранысына сай, оқудың келесі кезеңдерінің сәтті жалғасын табуына ықпал ететін сапалы білім беруді қамтамасыз ету;
• әртүрлі біліктіліктерді, соның ішінде оқу-танымдық, коммуникациялық, ақпараттық, сондай-ақ жауапкершілік және шешім қабылдау сынды негізгі біліктіліктерді дамыту үшін жағдай жасау:
• білім алушылар мен олардың ата-аналарының қызығушылықтары мен қажеттіліктеріне сүйене отырып, олардың сұраныстарын қанағаттандыру;
• әлеуметтік-мәдени ортаға бейімделу дағдыларын дамыту;
• білім алушылардың әлеуметтік, психологиялық және физикалық дамуына және нығаюына ықпал ету.